Hyderabad Jaisa Vikas Warangal Mein: CM Revanth Reddy Announce ORR, Airport & Drainage Projects

Hyderabad ki tarah Warangal ka Vikas 

Telangana ke CM Revanth Reddy ne kaha ki woh Hyderabad ki tarah hi Warangal nagar ke vikas (Taraqqi)  ke liye kaam kar rahe hain. Unhone bataya ki Congress sarkar aane ke baad Warangal ke vikas ko khaas Ahmiyat de rahi hai. Warangal district ke Narsampet mein Friday ko hue Public meeting mein CM ne ye baat kahi.

Ministers Konda Surekha, Danasari Seethakka aur MLA Nayini Rajender Reddy—ke saath charcha karke ye nirnay liya ki Hyderabad mein jo best facilities hain, wahi sab Warangal ko bhi dene ka prayas kiya jayega.

Warangal mein Outer Ring Road 

CM Revanth Reddy ne kaha ki jis tarah Hyderabad ka ek bada Outer Ring Road hai, usi tarah Warangal ke liye bhi ek vishal Outer Ring Road banane ka sankalp liya gaya hai.

Isse Warangal ke aas-paas ke ilaakon mein transport, industries, naye layouts, business centres bahut tezi se develop honge. Warangal ke log kai saalon se ek bade ORR ka intezaar kar rahe the, aur ab unka ye sapna poora hone jaa raha hai.

Is ORR se Warangal ke chaaro taraf ke gaon aur mandal Tezi se development honge. aur dheere-dheere shaher ke saath integrate ho jayenge. Nayi industries lagane ke liye aur naye housing projects shuru karne ke liye ye bahut bada mauqa hoga.

Under Ground Drainage System ka Plan 

CM ne bataya ki Hyderabad ka Under Ground Drainage system safai aur sanitation ke liye kitna upyogi hai, ye sabko pata hai. Usi tarah Warangal mein bhi ek modern underground drainage system establish karne ka nirnay liya gaya hai.

Ye project Warangal ki city planning aur look ko poori tarah badal dega.

Drainage works ko jaldi start karne ki tayari chal rahi hai. Iske tahat talab aur Canals ki safai, barsaat ke time paani jam na hone ke liye measures, aur traffic kam karne ke liye road widening, naye flyovers, aur housing colonies ko connectivity jaise kaam ki planning ho chuki hai.

Airport ka Kaam Jaldi Shuru 

CM ne kaha ki jis tarah Hyderabad mein ek vishal airport hai, usi standard ka ek airport Warangal mein bhi banana sarkar ka nirnay hai. Iske liye kisano se baat karke unki sahmati se land acquisition ka kaam fast-track par chal raha hai.

December end tak land acquisition complete karne ka target rakha hai. Sab plan ke mutabik raha to  31 March se pehle Airport ka construction kaam shuru ho jayega 

Unhone kaha ki airport kisi bhi region ke economic development ko bahut bada boost deta hai—tourism, education, IT, industries—sab sectors ko iska fayda milega.

Shahar ka Chehra Badalne Wale Teen Mega Projects 

CM Revanth Reddy ke mutabik Warangal ka future in teen mega projects se poori tarah badal jayega:

1. Outer Ring Road
2.  Under Ground Drainage System
3.  Airport

Ye teenon projects Warangal ki city identity aur development level ko ek naye phase mein le jayenge. Sarkar tezi se aur well-planned schedule ke saath in kaamon ko aage badha rahi hai.